今日又到分享職場經驗, 同大家打氣o既時侯, 輝哥覺得都幾o岩用, 大家睇睇：

要成為一名優質職場員工, 不但要盡忠職守, 更要對工作要有更高的要求, 因此就要提昇自我領導力。自我領導力包括導向思維、自我反省、自制能力、遠大理想及優質生活。

導向思維 - 是指多方面/角度的分析能力, 是一個優質員工及管理層必備的條件之一, 懂得敢於批評先入為主的事物, 以另一個角度去分析問題, 才能看得更多更闊。

自我反省 - 學會分析過去的對錯得失, 能使自己更明確清楚自己努力的方向, 途徑包括對自己的言行/思想；或周遭的人和事來和自己比較及檢討。

自制能力 - 控制個人情緒及行為, 必要時要能拒絕誘惑, 包括在危機時要保持冷靜, 儘快擺脫壞情緒及控制自己的壞脾氣。

遠大理想 - 有利於保持積極向上的精神狀態, 敢於面對錯誤和承擔責任。

優質生活 - 生活得舒適, 才可放鬆自己, 主動投入工作。

文章撮要自job market2007年11月30日職場增值

另外, 輝哥又睇到一o的見工o既小貼士, 大家互相提點一下：

1)要保持笑容；

2)衣著以整齊潔淨為主, 避免穿波鞋, 運動服；

3)女士宜化淡妝；

4)態度要隨和, 談吐要斯文得體；

5)要跟面試官有眼神接觸。

各位, 你o地每晚會做o的乜o野o架, 當然係瞓覺之前喇, 喂！唔係話你同女/男友鬼混o個o的呀。唏！你o地真係煩, 我係講會唔會睇電視。

輝哥一向都好少睇電視節目, 雖然輝哥通常一返到屋企都開住電視, 但都係聽聲為多, 好少話坐定定係度睇節目, 但係輝哥就好鍾意睇廣告, 可能輝哥從事推廣業多年, 有o的職業病啦, 最近, 有幾個廣告輝哥好欣賞o既：

1)HKBB牛頭馬瞼o個個, 兩條友仔比人窒完, 牛頭發睥氣, 一拳打落馬臉度, 雖然好暴力, 但好有人味, 好得意。

2)都係HKBB廣告, 兩隻蟻仔相遇, 一件鬼o甘惡, 好似講「o靚仔, 重唔讓開！」另一件on九九o甘好似講「咩呀, o采你都傻, 你唔讓我」, 跟住打交, 睇到我笑哂！

3)PCCWo既廣告, 三隻老鼠舖光纖, 其實無乜特別, 但係同埋兩個擺埋一齊, 我就覺我有o的火藥味, 唔錯。

4)呢個真係令我失笑, 完全係我個人感覺, 一開始兩公婆打哂交話要用傳統鑊, 定係用平底鑊, 攪完一輪, 就變成一個唔知乜鑊, 然後就話xxx, 中國人o既鑊, 我即時心諗, 唔係「化」, 傻o左呀, 個廣告人有無睇/聽清楚, o甘都我得！？anyway, 或者佢o既target唔係香港人啦！

另外, 呢幾日天氣好乾燥, 輝哥亦都乾到掉皮, 有無好方法可介紹一下呀, 例如湯水, 食物, 潤膚o甘呀, 幫幫手丫...

又到o左一個禮拜一次o既辦公室規條分享o既時間喇, 今日分享o既係工作主動性, 都係撮要自 Job Market - 職場增值：

具備主動的工作態度及積極投入工作, 正面處理工作的疑難, 甚至以創新的手法, 為企業解決問題, 既可以贏我上司的贊許更會得到同事間的欣賞；相反, 如果工作得像一塊木頭, 証級踢一腳才懂得動, 甚至不動, 不會主動化解問題/危機, 又怎會贏得賞識呢？如何提昇主動性, 試試下述的方法：

1)保持身心最佳狀態-一個疲倦的人, 會因為身體欠佳而對所有問題採取逃避態度, 所以第一步要保持身體健康及完全弄醒自己。

2)完成必須要做的事-不是每一件工作都可以推遲完成時間, 死線(Deadline)就是死線, 假如有些工作必須馬上應付, 就應該立即行動, 不可找任何藉口推搪, 也不可因為上級沒有清楚的拍示而放慢手腳。

3)創新思考解決問題-不要看輕自己, 多運用創意, 多與同事交流, 更可以提出新主意, 鼓勵同事更主動處理問題。

4)永遠走在眾人的前面-在問題出現前, 要常常問自己「假如.....我可以怎應付...」

*上文撮要自Job Market 23 Nov 2007, 職場增值

另外, 輝哥昨天返了半日工, 就正式拒絕份工, 個中因由, 不便於這裡公開, 總之,   唔o岩feel喇！

呢幾日都係度講緊見工o既事, 其實今日都有一個interview, 係o係新浦崗, 但經過昨晚o既一輪思想鬥爭, 同埋最大o既原因「懶」, 終於無去到, 但係我都有打電話比番人, 同寫番個email比人say sorry！都算交帶啦o卦！

今日一早同媽媽大人吃完早餐後, 10點鐘起程做去gym, 不過排萬留一, 爭o的唔記得要帶覆診紙, 無帶就麻煩啦！

其實今日都好多o野做, gym完之後, 要趕去銅鑼灣和朋友吃午飯, 又要趕番沙田覆診, 孜要聱番屋企預備明日番工o既o野 , 都好忙吓。

講番明日返工, 最令我出奇o既係爸爸大人, 佢同我講：「禮拜頭見工, 禮拜中就叫人返工, 有無問題o架, 重有見得一次, 番工幾多日又唔知, 有無雙糧, 有無醫療又唔知, 喂, 你唔好同人亂簽o野, 唔係喇, o甘多唔清楚, 不如唔好返喇！」

另外, 去gym已經係我日常要做o既事, e家亦要考慮一下做gym時間, 暫訂星期六日一及三四共五日先, 睇下點。

明日向大家報告工作情況。

大家如果不是太忙, 又唔係P仔o既話, 都應該記得輝哥早兩日咪去o左見工o既, 當日同個負責人傾o左成個鐘, 心諗都應該無乜走雞啦, 但係個心依然有o的忐忑不安。

昨晚收到一個3字頭電話, 心諗唔知邊個地產, 定係邊個單位做調查, 一世仔最憎o的tele-marketing, 輝哥一手就捺熄o個電話, 重要加一個好輕視o既眼神, 心裡重講, 你唔好再打o黎, 唔係有殺無賠！接著一宿無話。

今早同媽媽大人食完早餐, 妖人肥婆四打個電話o黎贈慶, 問我幾時番工等, 大佬呀, 我無同屋企人講我見工件事o架, 點同你大姐傾呀, o甘就急急腳收線啦, 其實輝哥都想知結果, 個心都不知幾急！

之後去o左做gym, 身心隨住體力o既勞動開始放鬆, 都無o甘緊張喇, 兩個鐘頭後,  鬼o甘倦, 咪沖涼換衫走人啦, 點知見到電話閃起橙色燈, 有miss call, 咪捺o黎睇下邊條友仔搵我啦, 一睇, 熟口熟面o甘, 呀！係昨晚個電話呀, o甘有恆心, 都要覆下你睇過乜事先。

「喂, 瑪x...」

「我係Eric, 請問邊位打xxxx-xxxx」

「喂, Eric叨呀, 早兩日你咪上o黎我o地公司見工o既.....」

就o甘, 佢就叫我明天番工喇, 雖然好開心, 但我明天有另一個interview呀, 人工多1k, post無o甘高, 唔駛做o甘多丫o麻；另外又要覆診, 咪同佢講要星期五先番得工, 佢話要請示一下先, 吓, 你唔係我老細咩..... ^^

有乜新進展, 立即係度通知大家....祝福我啦！

最新消息,  confirmed 星期五返工! yes!

喂, 大家, 你o地通常去邊樹解決三餐o架, 屋企？大排檔？酒樓？輝哥我多數會去茶餐廳。

輝哥對食物真係無好大要求,  只要不是難吃, 污糟, 就ok啦, 最好就係多o野揀, 方便, 不要太拘謹, 加埋加埋就為之very good。 眾多食物之中, 入輝哥三甲之選分別為：

早餐：1)沙爹牛肉蛋丁麵, 2)餐肉雙蛋丁麵, 3)五香肉丁腸仔丁麵, 上述都要加上一杯熱咖啡, 將會成為輝弄哥一日動力開始, 無o左佢o地, 輝哥會好失落, 全身乏力。

午餐：1)涼瓜牛肉飯, 2)鹹魚餐肉炒飯, 3)星洲炒米, 4)乾炒牛河, 5)o架喱牛腩飯, 6)燒肉雞飯...原來唔只三甲, 重要外加一杯涷檸檬茶, 簡直係輝哥經過一個早上o既辛勞後o既一個大大獎賞, 無o左佢o地, 人生點繼續下去。

晚餐：輝哥生活程式係90%要返屋企食飯, 老豆大人和媽媽大人都知我放工後會去gym, 之後一定需要大量食物補充, 經常都有蠔油炆雞翼, 燒酒炒芥蘭, 蕃茄雞蛋牛肉, 釀三寶, 老火湯, 有時會係蔬菜魚肉湯...好多好多...

你o地呢？重有, 有時下午茶食蛋撻, o架喱魚蛋, 菠蘿油...嘩！正！

寫此articles時, 輝哥正處於極餓中....

ps. 輝哥星期四有新 interview, 大家祝我好運啦！ 

輝哥開如即極搵o野做, 星期五晚sent o左幾個email, 星期六早上有一個回覆, 約o左今日下午一時會做 interview, 希望成功啦, 喂！大家祝福我啦！

晚上八時, 開古啦, 今午去做interview, 原來係一間美容業的公司請人, 名呀....大家估下丫, 係機動戰士名寶個宿敵, 諗下啦！

我同個負責人傾o左一個小時, 重介紹o左個同事我識, 照睇成數都幾高, 希望成功啦！

輝哥正努力於搵工中，希望過年前搵o的錢傍身。係度要多謝兩個人，一個係舊同事黃小姐，[謀事在人，成事在天]，謝謝你﹗另一位是兄弟Avery，[心照]，謝謝﹗

今早讀報 - 求職廣場內的職場增值中提到(發揮職場的二作熱誠), 輝哥有所領略, 撮要和大家分享︰

要成為同事們的偶像，其中一項因素是要對工作充滿熱誠, 不管處於甚麼環境, 遇上任何困難/壓力, 都能專注工作, 辦妥事情, 全力以赴, 做到最好！對工作熱誠, 就是要有樂觀即極的思維, 保持歡容微笑, 仿佛沒有事情可以難到他。

要發揮工作熱誠, 可以從下列途徑著手：

1)要清楚暸解工作要求及自己正在處理甚麼, 因為了解及認識工作, 可以令你真正拿出熱誠。

2)明白我一項工作的重要性, 包括目標及死線, 有了工作目標, 工作便不會再沈悶死板, 你會熱誠地技入生產。

3)當完成工作或有點進度或有成績, 不妨慶祝一下, 和工作伙伴, 好友等去 吃一餐好或 happy hour, 因為樂觀即極的工作環境, 有助保持工作的熱誠。

4)把思維焦點放在互面的要求及成績上, 並要娉力保持這個態度, 這能激發個人的興奮度及注意力, 對工作有莫大益處。

當工作順利時, 人就會表現得熱誠技入, 不過, 事與願違時, 更加要保持熱誠度, 不要輕易放棄面前的工作。此外, 對工作熱誠投入, 會感染其他同事, 工作便會順利, 事半功倍了。 

撮要自(求職廣場 - 職場增值, 16 Nov 2007)

輝哥好耐無寫過影評，今曰忍唔住要出手︰

大家有睇過戰狼三百嗎？電腦特技係咪好正，故仔都OK，係咪？

但若果一不離二，或者叫再炒一碟o甘，會點睇？計我話無壞o既，如果故仔好，電腦動畫做得唔錯都正﹗o甘輝哥最近又dry dry地，咪去睇呢套戲啦。做完健身，拿拿林飯都無食就走去沙田UA買飛，順便諗住買個戲院熱狗餐食下，嘩﹗成四十幾五十蚊一個餐，搶錢呀﹗精明o既輝哥會點做？你地估下﹗

一開場，輝哥以為睇緊動畫，重係用電腦畫o個隻，好生硬下﹗故仔就幾好，唔係一味正義必勝，有「人性」。

評語︰成套戲雖然有真人做(有o的真係唔知係人定動畫)，但用電腦執到飛起，無人味，電腦萬歲﹗

分數︰三粒星(五粒星為滿分)

另外, 同期有另一套戲, 相信會幾好, 講母子溫情, 會激搶眼淚, 小心。套戲叫「東京鐵塔」。套用專業影評人的說話, 套戲會讓你檢視自己對父母親的關係, 諗諗佢。重有, 原著係一本日本小說, 而家日日有係商台做廣播劇, 留意下有無自己o既影子！比o的料大家睇下先：

商台廣播劇, 聽到我o咸, 一定要去聽, 高度推介

http://www.my903.com/my903/tokyoTower/index.jsp

原址：

http://www.tokyotower2007.com/

此外, 十二月十三日有幾套大片, 1)投名狀, 2)西片, 唔記得個名,講全世界人中o左(好)血o既瘟疫, 剩番一個人有免疫o甘, 好似幾緊張下。

靜雞雞講：呢次第四版, 即修改了四次才再上網

輝哥今日買了一份Job Market, 看看現今人力市場走勢如何, 準備搵工丫o麻, 梗要了解一下, 知己知彼, 方能百戰百勝, 此外, 亦看了一些文章, 撮要後和大家分享。

輝哥常犯下列事宜, 要緊記在心才可：

無論你有多倒霉, 陷入多深的低潮, 都不要將這種情緒暴露出來, 對於你的不幸, 同事們最初會流露點點的同情, 但其實他們根本沒有興趣知道。除了你最要好的朋友外, 大部份人都不想知道叮人的傷心事。

事實上, 恐懼、憤怒、傷感和快樂是人的自然反應, 偶然向叮人表達是絕對恰當的, 但是, 切記要適可而止。要表達個人情感, 別花氣力於抱怨、嗟嘆、甚至各身邊所有人抗議, 反而應該盡量控制情況, 然後想出對策。

撮自Job Market2007.3.30辦公室政治

另外尚有一篇文章, 輝可覺得好有用, 撮要和大家分享如下：

現在所謂的職場競爭力, 必定包括五個元素, 他們是「溝通」、「了解上司的心」、「創意」、「人際網絡」及「表達能力」。

「溝通」未必人人做得好, 」、「了解上司的心」很少有人做得到, 」、「創意」不是個個相同, 」、「人際網絡」需靠自己去建立, 「表達能力」更非一朝一夕可以娕成。如果在三十歲前已掌握了上述的軟知識, 應該比叮人更快上位；如果三十歲後才學習的話而更以應用的話, 會為未來造就一個快樂, 自信及積極的人生。

撮自Job Market2007.3.30課程速遞

此外, 輝哥在今天的電台節目中(是他也是你和我), 聽到下列一句說話：

不要做下列四種人, 「蠢人」、「懶人」、「壞人」及「小氣的人」, 個中因由, 大家想想吧！